Keteko ya letsatsi la Nelson Mandela

Baahi ba Afrika Borwa le lefatshe ba ketekile letsatsi la matjhaba la Nelson Mandela ka ho nehelana ka metsotso e mashome a tsheletseng le metso e supileng ya nako ya bona. Baetapele ba mekgatlo e fapaneng e bontshitse kamoo batho ba thusang ka teng ho netefatsa hore taba-tabelo le toro ya Mandela ya lefatshe le nang le kgotso,kgutso e ya phethahala. Letona la Dikamano tsa Matjhaba, Naledi Pandor le re mofu mopresidente Nelson Mandela o rutile batho lefatsheng ka bophara ha ho sa hlokahala hore ebe barui ho thusa ba bang. O re Mandela o ne a dumela hore bohle ba ka thusa bahloki ka eng kapa eng eo ba nang le yona. Khosana Harry o kopile baetapele ba lefatse, ho nka mehato e tiileng le ho bontsha sebete ho lwantsha ho feto-fetoha ha maemo a lehodimo. Letona la temo le ntshetso-pele ya dibaka tsa mahae Thoko Didiza, o kopa baahi ho arolelana bonyenyane boo ba nang le bona le ba hlokang, mme o nehelana ka dipeo le dijo ho baahi, ho ba kgothalletsa ho sebedisa ditshingwana tsa bona.