Tsamaiso ya seboka sa borobong sa ANC profensing ya North West, e kanna ya phethelwa kamora dibeke tse pedi, ka lebaka la ditiehiso tse ngata. Ka Moqebelo bosiu barumuwa ba qetile boholo ba nako, ba ngangisana ka ho tjhaellwa monwana ha dintlha tsa bona, mme ba kopana hape thapameng ya Sontaha, kamora hore seboka se emiswe hoseng. Setho sa komiti ya naha ya phethahatso mokgeng wa ANC, Nomvula Mokonyane, se re ho butswe nyewe kgahlano le batho ba pshatlileng setsheng sa boingodiso Rustenburg, North West mme ba sitisa tsamaiso ya ngodiso. Mokonyane o re batho bao ba ya tsejwa, kaha ba hlahella kgatisong ya video ya setsheng seo. Ho sa le jwalo, Mokonyane o re ho boetse ho bile le ketsahalo eo ho yona ho entsweng dikarete tsa mokunyata tsa mabitso a barumuwa ba tlo kgetha.
