Komiti ya palamente ya portfolio ditabeng tsa temo e etetse baahi ba mapolasing lebatoweng labo 15 lekgotleng la motse la Setsoto ka sontaha sa la 19/Phupjane/2022.Sepheo ka ketlo ena ene ele hotla shebana leho utlwa diphephetso tseo baahi ba dulang mapolasing ba tjamelaneng le tsona.Yona e bile Ficksburg Town Hall.Ho bonahala ba baahi leho fihlela hajwale bantse basa tshwarwa hantle ke bo rapolasi haholo ba batho ba basweu.Baahi bana bare ba qobellwa ho rekisetsa bo rapolasi karolo enngwe ya diphoofolo tsa bona,haholo dikgomo.Bare haho letho leo mmuso oba thusang ka lona.Boshodu ba mehlape ke amang a mathata a maholo baahing ba dulang mapolasing.Ho sale jwalo Lebohang Mokoakoe eleng molekgotla wa mokga wa dipolotiki ka hare ho khansele ya lekgotla la motse la Setsoto wa Economic Freedom Fighters (EFF)ore kopano ena ene esa hlophuwa hantle kaha ho ne ho se hlophuwa dipalangwang bakeng sa baahi ba mapolasi a mang a lekgotla lena la motse kaha ene ele fela baahi ba Ward 15.Mokoakoe ore ho ntse ho ena le diphephetso tse ngata tse tjhametseng baahi ba mapolasing.Tebello ke hore dintlha tse hlahileng mona ditla tshohlwa kahare ho portfolio ena ya palamente ya Naha.
