Mopresidente o ikemiseditse ho rarolla bothata ba ho kgaoha ha phepelo ya motlakase

Mopresidente Cyril Ramaphosa o tla eba le kopano le bahlankana ba phethahatso ba Eskom le letona la naha la dikgwebo tsa mmuso Pravin Gordhan nakong ena eo naha e leng mokgahlelong wa botshelela (6) wa ho kgaolwa ha phepelo ya motlakase. Mopresidente Ramaphosa o re sepheo ka kopano ena ke ho fumana ka potlako mehato ya ho rarolla bothata bona ba motlakase naheng ena. Ha jwale naha e mokgahlelong wa botshelela wa ho kgaolwa ha phepelo ya motlakase matsatsi a mararo ka tatellano. Ramaphosa o re ba lokela ho fumana mekgwa e mmalwa ya ho rarolla bothata bona.