Moporesidente o tshepisitse ho teka tlaleho ena Palamenteng

Moporesidente Cyril Ramaphosa o amohetse tlaleho ya bohlano ebile e le ya ho qetela ya Komishene ya diphuphutso tsa menyenyetsi ya tshusumetso e bolotsana diqetong tsa mmuso ka ”elektroniki” phirimaneng ya Sontaha. Leha ho le jwalo, modulasetulo wa komishene ena, e leng moahlodi e moholo Raymond Zondo, o tla etellapele tshebeletso ya semmuso ya ho nehelana ka tlaleho ena kajeno phirimana Union Buildings, Pretoria. Kamora katoloso ya nako makgotleng a dinyewe, komishene ena e ne e lebelletswe ho nehelana semmuso ka tlaleho ya yona ya ho qetela ho moporesidente bekeng e fetileng ka Laboraro. Empa moporesidente Ramaphosa, o amohetse tlaleho eo ka ”elektroniki” phirimaneng ya letsatsi l Sontaha, moo tshebeletso ya ho nehelana ka yona semmuso, e tlang kajeno thapama. Moporesidente o tshepisitse ho teka tlaleho ena Palamenteng, hang ha e fumana.