Eskom e phatlaladitse mokgahlelo wa bobedi wa ho kgaoha ha phepelo ya Motlakase

ESKOM e phatlaladitse mokgahlelo wa bobedi wa ho kgaoha ha phepelo ya motlakase ho tloha ka hora ya bohlano thapama ho fihlela ka hora ya leshome bosiu. Sena se tla etsahala phirimaneng enngwe le enngwe ho fihlela ka Labone. Khamphani ena ya motlakase e re sena ke ka lebaka la kgaello ya ho fehla motlakase. Eskom e ipiletsa ho MaAfrika Borwa ohle ho thusa ho fokotsa sekgahla sa kgaello ka ho tswelapele ho fokotsa tshebediso ya motlakase le ho tima disebediswa tsohle tseo e seng tsa bohlokwa.