EFF e hloma mopresidente Cyril Ramaphosa ka dipotso

EFF e bolela hore e tekile lenane la dipotso tseo e tlang ho di botsa mopresidente Cyril Ramaphosa palamenteng hore a di arabe nakong ya matsatsi a 10. Tsona di kenyelletsa potso ya hore na, ke tjhelete e kae e utswitsweng polasing ya hae Limpopo, le hore ke tjhelete ya naha e feng, le hore na hona le dibaka tse ding tseo mopresidente behileng tjhelete ho tsona na? Bekeng e fetileng, hlooho ya mehleng ya lekala la mautlwela, Arthur Fraser e hlahletse diqoso kgahlano le Ramaphosa ka tjhelete eo a tlehang hore e utswitswe ke baahi ba Namibia ba neng ba sebetsa mmoho le mosebetsi wa lapeng wa mopresidente dilemong tse 2 tse fetileng. Moetapele wa EFF, Julius Malema o buile sena nakong eo a neng a tshetlehela seboamsa baqolotsi ba ditaba puo Braamfontein.