Beng ba ditekesi ba tobane le pharela kgwebong ya bona

Theko e ntseng e phahama ya mafura e se e qadile hoba le kgahlamelo e itseng ditefellong tsa ditekesi, mme bakganni ba ditekesi ba ntshitse maikutlo a bona ka maemo ana a ditaba. Beng ba ditekisi ba re theko ena e ntseng e phahama ya mafura e thefula kgwebo ya bona. Ba re ba iphumana ba lokela ho nyolla ditefello tsa maeto kaha tsa ho lefella ditekisi tsa bona dibankeng, le tsona di ntse di phahama. Ka lehlakoreng le leng meputso ya bapalami e pakeng tsa tse dikete tse tharo (R3500) le dikete tse robedi (R8000) ka kgwedi, mme ba iphumana ba se ba imelwa ka dikoloto, ditefello tsa ditekisi le dintho tse kang motlakase. Maemo ana a ka nna a lebisa ho nyolloweng ha theko ya dijo.