Leqhwetha la moqosuwa wa bohlano nyeweng ya polao ya Senzo Meyiwa, Advocate Zandile Mshololo o qositse mmuso ka ho tlontlolla nyewe ena lekgotleng le phahameng la Pretoria. Nyewe e buseditswe morao ho fihlela ka Mantaha kamora ho phatlalatswa ha docket ya bobedi ya nyewe maobane hoseng. Ka hara dokete ena ya bobedi e butsweng ka 2019, molaodi wa botjhotjhisi profensing ya Gauteng o kgothalletsa hore Longwe Twala, Kelly Khumalo, Gladness, Khumalo, Zandile Khumalo, Mthokozisi Twala le Maggie Phiri ba qoswe ka polao ya Meyiwa le ho leka ho thibela ho phethahatswa ha toka.
