Tonakgolo ya Gauteng, David Makhura, e re mosebetsi o sa le mongata o lokelang ho etswa, ho lwantsha keketseho e kgolo ya dithunya tse seng molaong naheng ena.Dipolelo tsena tsa hae,di tla kamora diketsahalo tse ngata tsa bekeng e fetileng, moo ho bolauweng batho ka ho thunngwa ditameneng tsa profenseng ya Gauteng.Batho ba leshome le metso e tsheletseng (16) ba ile ba bolawa ka ho thunngwa tameneng ya Orlando, Soweto.Ba bang ba babedi ba bolawa tameneng Katlehong,East Rand.Ka labone bosiu, batho ba tsheletseng,le bona ba bolauwe ka ho thunngwa, diketsahalong tse arohaneng tsa ditlatlapo ho hlometswe Alexandra.Makhura o re ha ho etswe ho lekaneng ho lwantsha keketseho e kgolo ya dithunya tse seng molaong. Ditaba di sa le mothating ona,tonakgolo ya Free State,Sisi Ntombela e thoholeditse sepolesa ka ho tshwara babelaellwa ba babedi kamora polao ya batho ba dilemo tse pakeng tsa tse mashome a mabedi (22) le tse mashome a mahlano le metso e meraro (53), hammoho le mohlankana ya dilemo di leshome le metso e supileng (17).Babelaellwa ba hlahella lekgotleng la maseterata wa Kestell kajeno,moo ba tlang ho tjamelwa ke diqoso tse supileng tsa polao,tlatlapo ho hlometswe le hoba le dithunya ntle le molao.
