Letona la Dipapadi, Bonono le Botjhaba, Nathi Mthethwa, le tobokeditse bohlokwa ba meputso e lekanang bakeng sa dibapadi tsa bolo ya maoto tsa banna le basadi. Banyana Banyana ba amohetswe ka kamohelo e mofuthu, Boemafofaneng ba Matjhaba ba OR Tambo, Gauteng ke makgolokgolo a batshehetsi ba ileng ba bokana ka bongata ho bontsha lerato le thabo ya bona ho latela phihlello ya bona. Sehlopha sena sa naha sa basadi ke bomampodi ba 2022 Women’s Africa Cup of Nation. Letona Mthethwa o re basadi le banna ba lokela ho tshehetswa ka ho lekana.
